周五世界郵政日 免費一人寄一信

周五世界郵政日 免費一人寄一信


(明報)2009年10月6日 星期二 05:10

【明報專訊】今天互聯網、資訊科技發達，電郵、msn都好方便，亦好多人用，相反寄信嘅人就愈嚟愈少。不過，Emily就覺得，有時收到一封親筆信嘅溫馨感覺，電子信息就真係無得比。

郵局設特別郵箱

香港郵政 署今個星期五（10月9日）將舉行「一人一信」免費投寄日，市民當日可免費投寄一封私人信件畀本地收件人。新任郵政署長張雲正話，免費投寄日其實係響應世界郵政日，紀念萬國郵政聯盟於1874年10月9日創立。香港郵政將會喺全線郵政局 （兩間流動郵政局除外）設置特別投寄箱，方便市民投寄信件。Emily喺度提議，不如大家趁呢個機會，一齊執筆寫番封信畀至愛親朋啦！